ولد وبنت كويسين جداً اتعرفوا علي بعض في الجامعة وحبوا بعض وبعد الجامعة أهلهم كانوا متفاهمين جداً فا اتجوزوا واشتغلوا شغلانات مش وحشة وخلفوا ولاد ربوهم تربية كويسة جداً.

تقدر تتفرج علي فيلم دي قصته؟ غالباً لأ .. ليه؟ عشان هتزهق .. بالرغم من أن كل حاجة ماشية كويس .. احنا كبني ادمين محتاجين الصعوبات زي ما محتاجين النجاحات .. في الواقع الصعوبات هي اللي بتعملنا وبتعمل نجاحاتنا لأنها بتفلتر اللي يقدر يستحمل واللي ميقدرش .. خط الحياة المستقيم ده من غير فوق وتحت معناه في اجهزة المستشفيات أنك ميت .. انك تنزل بوشك وتترزع في القاع وتقوم وكلك تراب تطلع فوق تاني .. هي دي القصة الحقيقية ..

انا عارف أن القعاد من غير شغل وحش .. بس أعرف برضه أن لحظة ما تعرف أنك هتبتدي شغل مع شركة نفسك تشتغل معاها من زمان أحلي بكتييييييير من سنين في وظيفة مبتكرهاش ومبتحبهاش بس بتدفعلك الفواتير .. عارف أن السفر غالي ومحتاج تحويش جامد بس أعرف برضه إحساس ريحة المكان الجديد وأنت لسه خارج من المطار اللي لا يقدر بشوية ورق ملون .. عارف إن إحساس الوحدة سخيف وعارف برضه ازاي نفس الحاجات اللي بتعملها كل يوم بيبقي ليها طعم تاني تماماً لما تتشاركها مع حد بتحبه ..

إختصار كل إحساس وحش فيه قدامه إحساس حلو .. ايه الكوبري اللي ما بينهم؟ إزاي أطلع من الحفرة وأروح من ده لده؟ هي دي كل قصص النجاح والمعافرة .. انك تستحمل وقت الصعوبات وتعدي الأزمات للناحية التانية .. أنك وأنت بتخبط بوشك في القاع تبقي عارف أنك هتقوم رغم كل القلق والهواجس .. وتصنع قصتك اللي تستاهل تتحكي .. وتستاهل تتسمع..


ولد وبنت كويسين جداً اتعرفوا علي بعض في الجامعة وحبوا بعض وبعد الجامعة أهلهم كانوا متفاهمين جداً فا اتجوزوا واشتغلوا شغلانات مش وحشة وخلفوا ولاد ربوهم تربية كويسة جداً.

تقدر تتفرج علي فيلم دي قصته؟ غالباً لأ .. ليه؟ عشان هتزهق .. بالرغم من أن كل حاجة ماشية كويس .. احنا كبني ادمين محتاجين الصعوبات زي ما محتاجين النجاحات .. في الواقع الصعوبات هي اللي بتعملنا وبتعمل نجاحاتنا لأنها بتفلتر اللي يقدر يستحمل واللي ميقدرش .. خط الحياة المستقيم ده من غير فوق وتحت معناه في اجهزة المستشفيات أنك ميت .. انك تنزل بوشك وتترزع في القاع وتقوم وكلك تراب تطلع فوق تاني .. هي دي القصة الحقيقية ..

انا عارف أن القعاد من غير شغل وحش .. بس أعرف برضه أن لحظة ما تعرف أنك هتبتدي شغل مع شركة نفسك تشتغل معاها من زمان أحلي بكتييييييير من سنين في وظيفة مبتكرهاش ومبتحبهاش بس بتدفعلك الفواتير .. عارف أن السفر غالي ومحتاج تحويش جامد بس أعرف برضه إحساس ريحة المكان الجديد وأنت لسه خارج من المطار اللي لا يقدر بشوية ورق ملون .. عارف إن إحساس الوحدة سخيف وعارف برضه ازاي نفس الحاجات اللي بتعملها كل يوم بيبقي ليها طعم تاني تماماً لما تتشاركها مع حد بتحبه ..

إختصار كل إحساس وحش فيه قدامه إحساس حلو .. ايه الكوبري اللي ما بينهم؟ إزاي أطلع من الحفرة وأروح من ده لده؟ هي دي كل قصص النجاح والمعافرة .. انك تستحمل وقت الصعوبات وتعدي الأزمات للناحية التانية .. أنك وأنت بتخبط بوشك في القاع تبقي عارف أنك هتقوم رغم كل القلق والهواجس .. وتصنع قصتك اللي تستاهل تتحكي .. وتستاهل تتسمع..

الأكثر قراءة شاهد المزيد